Mercedes hi rinkai ber an la ni - Horner

Red Bull team boss Christian Horner chuan 2017 Formula 1 season lo awm tur chungchang an zawh naah Mercedes chu team ṭha leh champion tura rinkai ber an la nih thu a sawi chhuak.

Horner chuan, "Mercedes hian driver bakah technical staff ṭha tak an nei a, team ṭha tak an ni. Driver thar an zawn chungchang hi a ngaihnawm hle, a chhan chu duhthusama ṭha lakluh hi a awlsam bik loh vang a ni," tiin a sawi.

World champion Nico Rosberg-a'n Formula 1 title a lak hnu lawkah intlansiak khawvel a chawlhsan thu a sawi a, Mercedes hian German driver aiawh tur an zawng mek. Sebastian Vettel a beiseiawm loha a lan hnuah Valtteri Bottas an ngaihven leh a, driver thar an zawng mek.

Kum 43-a upa Horner chuan, "Infiamna khawvelah chuan beisei loh thil a thleng fo a, inlehthalna mak tak tak a thleng thei. Chutih-rual-in tuna a lan dan chuan Mercedes hi an champion nomawi humhim thei turin an ṭha tawk," a ti.