Sindhu a chak phawt

Rio Olympic silver medallist PV Sindhu chuan Ningani zan khan 2016 BWF World Super Series Final-a a match hmasa berah Akane Yamaguchi a hneh nghal.

Dubai-a inkhelah Indian shuttler hian Japan nula lakah hian darkar khat leh minute thum chhungin 12-21, 21-8, 21-15 in hnehna a chang. Kum 19-a upa Yamaguchi hi tunlai shuttler chhuak thar zinga langsar berte zinga mi a ni a, world junior champion a nih tawh bakah kuminah Denmark leh Korea Open-ah a champion bawk.

Kum 21-a upa Sindhu pawh kumin hi a tan kum ṭha a ni a, Rio Olymic-a a hlawhtlin hnuah a vawi khat nan China Super Series Premier title a la zui a, BWF World Super Series Final a khelh theih nan hian Hong Kong Open final a khel bawk. Yamaguchi nen hian an vawi thum intawnna niin Sindhu hian vawi hnih hnehna a chang tawh.