India U17 an tlawm leh ta

Atletico Paranaense Under 17 International tournament khela zin chhuak India U17-in chak hmel an hmu thei lo. Inelna thlengtu Brazilian Serie A club Atletico Paranaense laka 4-0 a an tlawm hnuah Nilaini zan khan Uruguay U17 chu 2-1 in an ngam lo.

India coach Nicolai Adam-a'n Brazilian club laka an mualpho hnuah a naute a siksawi a, striker Aman Chhetri aiah Vaivakawn rawlthar duhawm Lalengmawia chu inkhel bul ṭantir a ni. Inkhel
ṭantir lamah India hi ṭang thei viau mah se Uruguay-in minute 14-naah goal hmahruai an khung a, minute 55-naa an goal hnihna an khung hnuah Komal Thatal chuan India tan goal khat sut ve bawk mah se awmzia a nei thui lo.