Chanmarians an tláwm ve ta

Mahuma Memorial Cricket Tournament khelh mekah nimin khan Chanmarians chuan a vawi khat nan tlawm hmel an hmu a, Chhinga Veng lakah run 102 zetin an tlawm. 3C (Chhinga Veng sawina) ten over 40-ah run 176 siamin wicket riat an hloh a, run 85 siamtu Saidul Barlaskar a che ṭha fal hle.

Inelna neih meka run 200 chuang vawi hnih lai siam thei Chanmarians tan target huphurhawm niin lang lo mah se batsman nei ṭha club-in beisei an phak lo a, over 22.2-ah run 74 chiah siama wicket hloh vekin a tlawm zawkahaan ṭang ta a ni. Inrinniah semifinal match hmasa ber khelh a ni dawn a, Chanmarians hian Zarkawt Lords an hmachhawn ang.