Donnarumma chelh duhtu Galliani

AC Milan chief execu-tive Adriano Galliani chuan an goalkeeper Gianluigi Donnarumma chu San Siro-ah an chelh zel theih a beisei thu a sawi chhuak.

Kum 17-a upa Don-narumma hi Italian Serie A-a player langsar pawl a ni der tawh a, an elpui Juven-tus ngei pawhin an duh nia sawi a ni. Donna-rumma agent Mino Raiola chuan Chinese company Sino-Europe Sports-in Milan nen inremna fel tak an nei phawt a nih loh chuan a player hian contract thar ziah a châk loh thu a lo sawi tawh.

Galliani chuan, "Kum 18 a tlin hunah contract thar kan ziah ngei ka beisei. Donnarumma hian Milan thil tum leh hma thlirte a hre duh a, hmasawn duhna thinlung a neih avangin he hmunah hian a cham chhawnzawm zel ngei pawh ka beisei a ni," a ti.

Nikum October thla khan Donnarumma hian Milan keeper naupang ber ni turin goal a veng ṭan a, heta ṭang hian inkhel bul ṭantu zingah a tel chho - tun season match 16 an khelh tawhah a la inlan kim vek.