Ruahsur vanga buaina

Philadelphia-a France leh Iran inkhelh ṭumin ruahsur vangin second half ṭan lawk theih a ni lo. Tun inelnaa ruahsurin inkhel a tih khaihlak hmasa ber a ni.

Inkhelh hma aṭangin khua a chhe dawn tih hriat sa a ni a, stadium gate hawn hun pawh an sawn tlai hial. Philadelphia stadium chhehvela awm lote chu khaw chhia vangin stadium pan lo tura hriattir an ni bawk.

Halftime laia ruah a sur nasat avangin second half ṭan lawk theih a ni lo a, an chawlh rei avangin team pahnih hi minute 15 chhung intih lumna hun pek leh a ni. Kylian Mbappe-a'n goal hmahruai a khung aṭanga darkar thum dawnah second half hi ṭan chauh a ni.