Round of 32 lut tur South Korea?

FIFA World Cup group stage match hnuhnung berah South Korea chuan Ningani zing dar 6:30 hian table mawng phaha awm South Africa an hmachhawn dawn a, Son Heung-min te ram hian point thum hmu tawh mah se Czech Republic-in Mexico an hneh chuan an la lehpel theih avangin, group stage paltlang turin chak mai a awlsam dawn.

Kum 2022 World Cup-a semifinal an thlen hnuah South Korea hian round of 16 an la paltlang leh lo a, mahse kuminah champion tura rinkai zingah tel lo mah se beiseina sang tak an nei an ni.

Taegeuk Warriors (South Korea sawina) tan an innghahna Son-a'n goal a la khung thei lo a, Tottenham Hotspur forward hlui hi khel chhe lo mah se goal hmaah a vannei tawk lo. Pathumna la beisei South Africa an hmachhawn dawn avangin a awlsam dawn lo a, Son bakah Lee Kang-in leh Hwang Hee-chan te an khelh ṭhat zual a ngai dawn.

Hetihlai hian South Africa beiseina a chau tawh a, South Korea lakah an chak ngei ngei a ngaih bakah Czech Republic result azirin an dinhmun a chiang dawn chauh a, thi leh thau pawlha an khelh a ngai tawh dawn.