Chawhma dar 11:00-ah Serkawn vs Bazar Veng

15th HPC Cup 2026 semifinal second leg chu vawiin hian Ṭhuamluaia Mual, Lungleiah khelh a ni dawn. Inelna hian Mizoram chhim lam district pali Lunglei, Hnahthial, Lawngtlai leh Siaha District te huap a, inkhel boruak pawh a nung ṭha hle.

Semifinal first leg-ah Zobawk South-in Zotlang 6-1 a an hneh avangin second leg boruak a nung thei tawh lo. Chutihrualin vawiin chawhma dar 11:00-a Serkawn leh Bazar Veng inkhel tur erawh a hmuhnawm khawp ang.

Bazar Veng hi India international Edmund Lalrindika te veng a nih bakah Brandon VL Remdika leh Aizawl FC goal khung khawl Zomuansanga te khelhna a ni a, Serkawn hian player langsar awmna hi hneh an tum dawn a ni.