MFA Elite Football Academy-ah admission hawng

MFA Elite Football Academy chuan 2026-27 atan admission a hawng leh dawn a, admission hi trial kaltlang a tih tur a ni ang.

Trial hi June 27, Inrinni hian RG Stadium, Mualpuiah neih tur a ni a, dar 9:30-ah registration tih ṭan a ni ang. A tel turte chu hemi hma hian a hmun thleng hman vek tura beisei an ni.

Trial-a tel thei tur chin te chu January 1, 2010 leh December 31, 2013 inkara piang an ni tur a ni a, a hmunah hian digital birth certificate leh aadhaar card ken tur a ni ang.

Player-te hian tui in tur leh sports dress (ball boot & shin guard telin) an ken a ngai a, hrechiang duh tan phone number 9877398429-ah a zawhfiah theih a ni.

MFA Elite Football Academy hi August 2025 aṭanga ṭan a ni a, hlawhtling taka first batch zawh hnuah batch hnihna 2026-27 season chu July 2025 aṭangin Lammualah zingkara practice ṭan nghal tum a ni a, academy hi AFC licensed coach-ten uluk takin an vil ṭhin a ni.