Algeria tan beiseina

World Cup-a an match hmasa berah Algeria-in Argentina ngam lo mah se, an match hnihnaah Jordan chu 2-1 in an hneh a, World Cup round of 32 lut turin beiseina thar an nei.

A vawi khat nana World Cup khel Jordan hian Nizar Al Rashdan hmangin Algeria an barakhaih a, goal an khung hmasa zawk. Mahse, Algeria hian Nadhir Benbouali leh Amine Gouiri hmangin an chhanglet a, 2-1 in an chak.

Algeria hian June 28, Pathianni zingah Austria an hmachhawn dawn a, an chak chuan round of 32 an lut ang - Austria tan erawh draw result pawh a tawk a, Algeria hi draw result nen pawha lut thei tho an ni.

Hetihlai hian Jordan erawhin World Cup an mangṭha ta thung a, an vawi khat inlannaah group stage an paltlang zo lo.