Nottingham Open-ah Bouzkova a champion

Marie Bouzkova chuan ke rek hliam chungin Nottingham Open final-ah Emma Navarro chu 7-6 (7-5), 4-6, 6-2 in a hneh a, grass court-a nomawi a chawi hmasak ber a ni.

Tun inelnaah hian Czech Republic nula Bouzkova hi seeded palina a ni a, a ke hliam vangin ṭum hnih enkawl a ngai a, hetichung hian hnehna a chang. Kumin April thla khan Bouzkova hian Bogota-a clay court inelnaah a champion a, kumina nomawi vawi hnih a chawina chiah a ni.