Croatia-in Panama an hneh

World Cup-a an match hmasa berah Croatia-in England ngam lo mah se, an match hnihnaah Panama chu 1-0 in an hneh a, round of 32 lut turin beiseina an neih chhunzawm ve zel.

Croatia tan Ante Budimir chuan minute 54-naah inkhela goal awmchhun a khung a, point thum an hlawh chhuak - Panama erawh an match hmasa pahnihah an chak loh avangin an tla fel ta.

Kum 40 mi Luka Modric pawh Croatia tana captain armband hreng chungin a inlan a, ram tana a match 200-na a khel chiah - international football-a ram tana vawi 200 inlan thei pangana a ni.

Modric hian ram tan match 200 a khelh aṭang hian goal 29 a khung tawh a, assist vawi 31 a nei tel - tun hi World Cup-ah ringawt pawh ṭum nga Croatia a telpuina a ni ta a, kum 2018-ah final luhpuiin, 2022-ah khan semifinal an thleng leh bawk.

Croatia-in hnehna an chan avangin World Cup round of 32 luh beiseina an nei thar a, an match tawp berah England chelhtu Ghana nen an intawng dawn - an chak chuan round of 32 an lut chiang ang.