England an vannei!

Three Lions-in 78.9% ball chang chungin, vawi 19 shot an nei a, vawi thum target-ah an shot - Ghana hian vawi hnih shot an nei ve a, England goal zawna shot an neih zat chu pakhat a ni!

Mahse, heti chung hian England an vannei tih a ngai - Ezri Konsa chu Prince Kwabena Adu laka penalty chawi tur a ni a, mahse, Aston Villa defender hian vannei takin card a hmu lo a, penalty a chawi lo bawk.

Ghana manager Carlo Queiroz chuan, "World Cup-ah hian VAR kan la hmang em? VAR kan la nei ve maw? A la thawk ṭha chiah maw?" tiih zawhna a siam kher a, penalty pek an ni lo chu a lawm lo hle.

Portugal coach hlui chuan sawi zawmin, "England an vannei takzet a, an vannei thlawt a ni! Penalty a ni a, red card tur a ni tel bawk. Nangni pawhin in en ve ngei ang a, ka thusawi hi min ṭawmpui ngei ang tiraw?

"VAR-in coffee a in hlana thil thleng a ni ang e," tiin fiamthu a thawh zui a, "Ka fiamthu loh chuan hrem ka ni mai ang," a ti zui - a lawm lo hle tih a chiang a, thil thlen dan thlirin a demawm lo.