Final-ah Edmund telna Bazar Veng

15th HPC Cup 2026-ah Edmund Lalrindika telna Bazar Vengin Serkawn hnehin final an lut a, Zotlang hnehtu Zobawk South nen nomawi an inchuh ang. Final hi June 26, Zirtawpni hian Ṭhuamluaia mualah khelh a ni ang.

Thawhṭanni khan first leg khelh a ni tawh a, Zobawk South-in Zotlang lakah 6-1 a hnehna an chan tawh avangin hna a awlsam. Nimin khan second leg-ah 2-2 in an inhnehtawk a, aggregate-ah Isak Ralte telna Zotlang 8-3 in an chak.

Bazar Veng leh Serkawn inkhel a hmuhnawm dawn avangin inkhel hnuhnung zawkah sawn a ni a, hun pangngaiah 2-2 thoin an inhnehtawk. Penalty shootout-ah Serkawn tan Lalthlanawma'n a pet goal lo a, Bazar Veng lamah Edmund leh a ṭhianten an khung vek avangin 5-4 in an vannei ta zawk.