Nagelsmann tan player enchhinna hun

FIFA World Cup 2026-ah Germany-in zanin dar 1:30 hian Ecuador an hmachawn dawn. Julian Nagelsmann-a hote hian group E-ah pakhatna dinhmun an nemngheh tawh avangin knockout-a player chhawr tlak inenchhinna hun ṭha a ni ang.

Germany-in match hmasa pahniha bul ṭantu Nico Schlotterbeck hliam vangin an chhawr thei tawh dawn lo a, Nagelsmann-a'n starting XI a thlak deuh hlawk a nih pawhin a mak lo ang.

World Cup an khelh theih nana goalkepeer pawimawh Oliver Baumann pawhin khelhna hun ṭha a neih a rinawm a, tun inelnaa che ṭha Deniz Undav bakah Newcastle striker Nick Woltemade te bul ṭan thei dinhmunah an ding.

Midfield lamah Nadiem Amiri, Leon Goretzka, Maximilian Beier leh Jamie Leweling te tan hun ṭha a inher chhuak thei bawk. Ecuador tan erawh inkhel pawimawh a ni a, pahnihna an nih phak loh pawhin pathumna nichunga second round lut tur pawhin chak ngei a ṭul thung.

Inkhel dangah Ivory Coast (3 pts) leh Curacao (1 pt) te an inkhel dawn a, mipui nuai khat sing ruk vel lek awmna ram tan second round luh beiseina a la inhawng. Chutihrualin Ivory Coast hian hnehna an chang a nih chuan Germany hnung zuiin pahnihna nichungin last 32 an

lut ang.