Australia barakhaihtu Jordan

Asian Cup-a beisei loh result langsar zingah Pathianni zan khan Jordan chuan 1-0 in Australia an barakhaih a, inkhel thununtu Australia an hawihai. 

Jordan tan Anas Bani Yaseen chuan minute 26-na lekah he inkhela goal awmchhun a khung a, Asian Cup champion lai Australia-in minute 90 chhung inkhel thunun mah se a chhanletna tur an neih loh avangin an tlawm. 

Zanin Asian Cup-ah inkhel langsar pahnih a awm dawn a, team langsar Iraq chuan dar 7:00-ah Vietnam an hmachhawn ang - Iraq hi Asia-ah chuan team ṭha pawl an ni a, Vietnam hi tun hnaia Asian team ṭhangduang ber pawla an sawi an ni thung. 

Saudi Arabai-in zan dar 9:30-ah North Korea an inkhelhpui dawn a, inkhel hmuhnawm beisei a sual lo ang.