ISL champion a hriat dawn

Indian Super League final chu Pathianni zan dar 7:00-ah khelh a ni dawn a, Mizo tlangval Lalrindika Ralte leh Robert Lalthlamuana te khelhna Atletico de Kolkata chuan Kochi khawpuiah mualneitu Kerala Blasters an hmachhawn ang.

Didika'n Kochi khawpuiah Blasters ṭantu fan-ten bengchheng an siam nasat ṭhin avangin inkhelh a harsat thu Vanglaini palai hnenah a sawi a, Lunglei tlangval hian ṭawngṭaipui a ma-mawh. Khawzawl tlang-val Robert-a erawh semi-final hnuhnung zawkah hnawhchhuah a nih avangin final a khel thei dawn lo.

Kerala Blasters tan goal nga khung tawhtu CK Vineeth chu an innghahna a ni leh dawn a, Kolkata lamin goal sarih khung thei Iain Hume an neih ve tho avangin an zam bik lo ang - ATK hi an champion thei a nih chuan kum 2014-a neih ṭan ISL a vawi hnih champion thei hmasa ber an ni dawn a ni.