Chanmarians hmaah Lords

Mahuma Memorial Tournament khelh meka semifinal hmasa zawk chu vawiin chawma dar 9:30 hian table-a pa-khatna Chanmarians Cricket Club leh Zarkawt Lords Cricket Club-te'n an khel dawn.

Chanmarians hian Chhinga Veng an hneh lo tih loh chu league-ah vawi khat chiah tlawm hmel hmuin semifinal an lut a, inrintawkna nasa tak nen semifinal an hmachhawn ang.

Hetihlai hian an khing-pui tur Zarkawt Lords hi semifinal luh beiseina an neih tawh loh hnua semifinal lut leh hram an ni. Beisei angin league match bul ṭan lo mah se insiamṭha chhoin semifinal hial an inhlangkai a, an phur vanglai takin Chanmarians nen an inhmachhawn dawn.

Tun season-ah team pa-hnih hi vawi khat chiah an la inhmachhawn a, league round-ah an intum. Hemi ṭum hian Lords captain Michael Lalchhuanawma chuan run 82 ngawt vaw chhuak mah se run 200 lai an um avangin a tawpah Chanmarians hi an chungnung zawk a ni.