Mizoramah football kalphung mumal zawk

Zoram puma football inkaihhruaina inrualkhai fel fai zawk a awm theih nan nimin khan Mizoram Football Association chuan workshop a buatsaih.

IPR Conference Hall, Aizawlah District hrang hrang Football Association hruaitute leh MPL club aiawhte an kalkhawm a, football dan leh hrai, club leh club kara player inlei chhawn leh insawn kual dan chungchang zirho a ni.

MFA honorary secretary Lalnghinglova Hmar chuan workshop hi a kaihruai a, club aiawh leh District FA hruaitu hrang hrangten an ngaihdan leh ngaih pawimawh hrang hrang an au chhuahpui a, a theih ang anga inhrilhfiah a ni.

Nimin hian MFA senior vice presi-dent PC Vanlalhruaia chuan tun hnaia AIFF 'D' Coaching license hmu thar mi 26 hnenah certificate a sem nghal bawk.