Chetsual tum lo Blues manager Conte

Nilaini zan khan Chelsea chuan 1-0 a Sunderland hnehin league-ah match 10 chhung a zawna hnehna an channa a ni a, table chung berah awmin an hnuai chiaha awm Liverpool aia an sanna chu point ruk a ni tawh.

Mahse, Blues manager Conte chuan lawm hun a la nih loh thu sawiin, "Table thlir hun a la ni lo a, vawiinah hian league a la tawp lo. Premier League hi a harsat avangin match 10 chhung hnehna kan chang zawn thei hi ka lawm ngei a, mah se hahchawlh hun a la ni lo," a ti. Blues hian zanin dar 6:00-ah Crystal Palace chu league match khel turin khual-mualah an lenchilh ang.

Italian manager chuan sawi chhunzawmin, "Ka ngaihdan chuan Premier League nomawi hi team paruk vel talin kan inchuh dawn a, team engemaw zatin kan kaltluang lai hi tihtawp an duh. Kan tana pawimawh ber chu rim lehzuala hnathawh zel hi a ni," tiin chawl hman an la nih loh thu a sawi.