Hmasawnna tur kan la nei - Danny Rose

Tottenham Hotspur defender Danny Rose chuan season hmasa aiin tuna an khelh dan chu la ṭha tawk lo zawka a hriat thu leh hmasawnna tur an la ngah thu a sawi chhuak.

Mauricio Pochettino naute hi White Hart Lane-a Hull City 3-0 a sawp hlim an ni a, Spurs hian an khelmual hi an hmangthiam hle, tun hnai an match hnuhnung pathumah goal 11 zet an khung thei.

Kum 26-a upa Rose chuan, "Tunah hian kan ṭhat dan berin kan la khel chhuak lo a, kei chuan season hmasa kan la phak lo tih hi ka hriat chu a ni mai. Kan manager-in ruahmanna fel tak a nei tih ka chiang a, ka ring tawk hle bawk. A kaihhruaina hnuaiah kum dang zawng aia ṭhain kan khelh chhoh theih ka beisei," tiin a sawi.

Spurs hi an tlarhnung phui ṭha vanga fak hlawh ṭhin an ni a, kum-inah pawh Chelsea nen goal chhuah tlem ber ni mekin an lamah goal 11 bak a la lut lo. Pathianni zan dar 9:30 hian an legaue match 17-na khel turin Burnley an lo mikhual ang.