Birmingham boss thar Zola

Championship club Birmingham City chuan Gianfranco Zola chu an coach thar ni turin an lalut a, kum hnih leh a chanve chhung atan contract thar an ziahpui. Blues (Birmingham sawina) hian Nilaini khan an coach nilai Gary Rowett chu kum hnih an hnena a cham hnuah an ban a, a aiawh tur hian Chelsea legend hi an lalut ta a ni.

Chelsea tan a khelh laia Birmingham vawi hnih a hmachhawn ṭuma goal khung ve ve tu Zola chuan, "Rowett khan hna ṭha taka a thawh avangin a hmun ruak luah a hautak dawn a, mah se professional ka nih avangin he chona phurawm tak hi ka hnar phal si lo a ni," tiin a sawi.

West Ham leh Wat-ford pawh lo enkawl tawh-tu coach chuan sawi chhunzawmin, "Ka tum ber chu a rang thei ang bera he club hi Premier League-a hruai let a ni a, coach ṭha tak ka thlak avangin ka hmabaka chona inchhawp hi hlenchhuah ka chak lehzual a ni," a ti a, Premier League-ah hruai kir a tum ruh hle.