MPL6 khel tur Ramhlun North

Mizoram Premier League Playoff second leg-ah Ramhlun North FC-in nimin khan New Serchhip FC 5-1 in an hneh. First leg-ah Lal-ruatliana Sailo hote hi 6-1 a an chak tawh bawk avangin aggregate-ah Ramhlun North 11-2 a chakin season tharah Mizoram football inelna sang ber an khel leh dawn.

Ramhlun North coach Tawia chuan, "Second leg kan khelh hmain engkim a chiang tawh a, chuvangin nuam ti takin kan khel a ni ber. Ramhlun North-in MPL an khel leh thei tur hi ka lawm a, playoff-a kan khelh danah ka lungawi. Mizoram State Sports Council hnuaia thawk ka ni a, kan hotuten MPL club enkawl min phalsak avangin an chungah ka lawm hle a ni," tiin club leh MSSC-a an hotute chung-ah a lawm thu a sawi.