Michael Phelps tan chawimawina

Tui hleuh chak hmingthang Michael Phelps chu BBC Sports Personality 2016-ah life-time achievement award chawimawina hlan a ni.

Kum 31-a upa Phelps hi Rio Olympic-ah khan hlawhtling takin a inlan leh a, 200m butterfly, 200m medley, 4x100m freestyle, 4x200m freestyle leh 4x100m medley-ah te gold medal a la. Beijing leh London Olympic-ah te pawh khan Phelps hi ropui takin a lo inlan tawh bawk.

American swimer ropui hian Olympic gold medal ringawt pawh 23 zet a la thei. Infiamna khawmpui liana a medal lak zawng zawng chu 28 niin mimala amah hnaih bertu gymnast Larisa Latynina (18medal) nen pawh an inthlau veng veng hle.

Phelps chuan, "Sports Per-sonality Lifetime Achievement award ka dawng thei hi ka lawm tak zet a, kum ṭha tak ka hman mek khar nan chuan hetiang chawimawina dawn hi a duhawm zual hle," tiin a sawi.

Tunhnaia award dawngtute

2008: Sir Bobby Charlton (football)

2009: Seve Ballesteros (golf)

2010: David Beckham (football)

2011: Sir Steve Redgrave (rowing)

2012: Lord Coe (athletics)

2013: Sir Alex Ferguson (football)

2014: Sir Chris Hoy (cycling)

2015: Sir Anthony McCoy (horse racing)