Luis Suarez a rinawm

Barcelona forward Luis Suarez chuan Nou Camp-ah kum 2021 thleng cham turin contract thar a ziak a, Uruguayan striker hi club dangin an lei chhuak duh a nih chuan Catalan club hnenah hian pound maktaduai 167.5 tal an pek a ṭul tawh dawn!

Kum 29-a upa striker hian kar khatah £230,000 hlawhin a contract hi a hmang zo a nih chuan Barca-ah kum 34-a upa a nih thlengin a cham dawn tihna a ni. Suarez hian July 2014 khan pound maktaduai 75-in Liverpool aṭangin Barca hi a zawm a, inelna hrang hrangah match 116 khel tawhin goal 97 a khung a, assist 48 a nei bawk.