Semifinal-ah Sindhu chak lo

Olympic silver medallist PV Sindhu chu BWF World Super Series Final-ah a tum ram thleng zo loin a tla. Inrinni khan semifinal inkhel inhnehtawk takah Sindhu hi Sung Ji-Hyun lakah a chak lo.

World number 10 Sin-dhu hian a group match hnuhnung berah Rio Olympic final-a a ngam loh Carolina Marin hnehin semifinal a lut a, final luh zui beiseina pawh a nei sang hle. Korean shuttler Ji-Hyun nen darkar khat leh minute 16 zet an inbeih hnuah 15-21, 21-18, 16-21 in a vanduai zawkah a ṭang.

Kum 21-a upa Sindhu hian final lut zo lo mah se a tan kumin hi kum ṭha a ni tho. Rio Olympic-ah India hmeichhe zinga a hmasa ber ni turin silver medal a la a, hemi hnuah a vawi khat nan China Open Super Series Premier title a la bawk.