Mumang rama chang Leipzig an sang zel

Bundesliga kai thar RB Leipzig chuan Hertha Berlin lakah 2-0 a hnehna changin league hmahruaitu an ni leh ta. Hetihlai hian Borussia Dortmund leh Hoffenheim te an inhnehtawk thung.

Inrinni zan inkhelah Leipzig tan striker Timo Werner chuan midfielder Naby Keita thawhrah sengin minute 40-naah goal hmahruai a khung a, tun season-a goal kuana a ni. Second half-ah defender Will Orban chuan Emil Forsberg corner pet a tauh lut bawk.

Leipzig hi kar hmasa khan tun season-a a vawi khat nan Ingolstadt lakah an tlawm a, an chak loh hnua an match hmasa berah an insiam-
ṭha lehnghal. Ralph Hasenhuttl-a naute hian point 36 hmuin league tabe-ah pakhatna an ni leh rih a, nizana Bayern Munich inkhel result a zirin an dinhmun hi a la danglam thei.

Zirtawpni zan inkhelah Borus-sia Dortmund chu tun season-a hneh loh la tawng lo awm chhun Hoffenheim nen 2-2 in an inhnehtawk.

Hoffenheim hian Mark Uth hmangin minute thumna lekah goal hmahruai an khung. Mario Gotze chuan Bayern Munich aṭanga a kir hnua a goal hmasa ber khungin an si phurh a sut. Hoffenheim lamin Sandro Wagner hmangin hmahruai nawn leh mah se second half-ah Pierre-Emerick Aubameyang-a'n an siphurh sut lehin team phnih hi point khat ve veah an lungawi a ṭul.

He inkhelah hian Marco Reus chu a career-a a vawi khat nan red card pek a ni. Germany international hi yellow card vawi hnih hmuh vangin minute 41-naah hnawhchhuah a ni. Goal hnuhnung ber khungtu Aubameyang hian tun season league match 15 khelh tawh aṭangin goal 16 a khung leh der tawh.

Dortmund hian Champions League lamah knoct out round lut thei mah se league lamah beisei angin an kaltluang lo, point 26 hmuin Leipzig an phak lohna chu point sarih a ni tawh.