PSG vawi li an chak lo ta

French Ligue 1 cham-pion lai Paris St-Germain chu tun season-a a vawi li nan an chak lo. Unai Emery-a enkawl PSG hi Inrinni zan khan Guin-gamp khelmual 2-1 in an chak lo a, league hma-hruaitu leh an aia match khata khel tlem zawk Nice an phak lohna chu point li a ni.

Guingamp tan hian Yannis Salibur chuan PSG tlarhnung fimkhur lo karah goal hmahruai khungin Nill de Pauw chuan an goal hnihna a khung bawk. Edinson Cavani-a'n goal khat hmang-in chhang let mah se PSG hian a tawp thlengin an si phurh an sut zo thei lo.

Qatar Investment Au-thority sum hmanga chawm len PSG hian Laurent Blanc banin kumin June thla khan Emery an lalut. Spanish manager hian Europa League lama Sevilla a hlawhtlinpui
ṭuma a chet dan ang chuan France khawpuiah hian beisei an la phak thei lo.

Season hmasa pumpui khan Blanc kaihhruaina hnuaiah PSG hian league match vawi hnih chiah chak loh an nei a, tun sea-son-ah erawh match 17 an khelh tawh aṭangin vawi li zet an chak lo der tawh! A zawna season li chhung league champion ni thei tur leh an nomawi humhim tur chuan an in-siam ṭhat a hun tawh hle.

PSG coach Emery chuan, "Inkhelh hma leh inkhelh zawh hnuah Paris Saint-Germain president Nasser Al-Khe-laifi nen kan inbia a, eng dinhmunah pawh ding ila kan lamah a ṭang. Kan hun ṭha neih tam tak kan chhawr ṭangkai theih loh avangin kan chak lo a, kan khelh danah khan kawng hrang hrangah hmasawnna hmuh tur a awm," tiin a sawi.