MADC champion Siaha Police

Mara Autonomous District Council (MADC) Chairman Football Running Trophy khelh zawh takah Siaha Police chuan final-ah Siahatla FC chu Lalrinchhana leh Ng. Laldinpuia te goal hmangin 2-0 a hnehin an champion.

Siaha District FA buatsaih he inelna hi Siaha District Playground-ah neih niin knock out hmangin an inel. Second division club 13 ten first round an khel hmasa a, first division club pariat te chu last 16 aṭangin an inlan thung.

Champion team hian Rs 30,000 an dawng a, Lalrinchhana (Siaha Police) chu best player atan thlan a ni. Goal kua khung thei pahnih Lallungmuana (Siahatla FC) leh Ng.Lal-dinpuia(Siaha Police FC) te chu top scorer chawi-mawina hlan niin final-a chak lo zawk Siahatla Fc chu fairplay chawimawina hlan an ni bawk.