India chak puitu Lalremsiami

Lalremsiami goal hnih hmangin hockey inelna ngaihhlut 4th Women's U18 Asia Cup-ah India chuan China 3-2 in a hneh. India hian vawiin tlai dar 2:30-ah Malaysia an hmachhawn leh ang.

Inrinni khan Bang-kok-ah India leh China hi an inkhel a, Mizo tlei-rawl duhawm Rem-siami hian minute sarih leh 30-naah goal khungin India hi 2-0 in hma a hruai pui. Second half-ah China tan Gu Yangyan chuan an siphurh pahnih a rawn sut a - India chakna goal hi Sangita Kumari khung a ni.

Kumin 4th Wo-men's U18 Asia Cup-ah hian team pariat an tel. Pool pahnihah ṭhen hran niin India hi Pool A-ah China, Malaysia leh Chinese-Taipei te an awm. Pool B lamah hian Korea, Japan, Thailand leh Singapore te an awm thung - inelna hi December 22 thleng neih tur a ni ang.

India coach Baljeet Singh chuan, "Kan tan chuan inkhel hautak leh boruak sang tak a ni a, hnehna kan chan theih avangin ka naute ka chhuang hle - an rilru a huaisen bakah an taksa pawh inkhel turin a inpeih hle tih a chiang," tiin a sawi.