Krismas-a league hmahruaitu Chelsea
Chelsea-in Premier League match 11 chhung a zawnin hnehna an chang a, an club record an nih rual. Antonio Conte hote hian Inrinni zan khan Selhurst Park-ah Diego Costa goal hmangin Crystal Palace 1-0 in an hneh a, krismas-a league hmahruaitu an ni.
Blues hian boxing day-ah AFC Bournemouth an hmachhawn dawn a, amah-erawhchu hrem vangin forward Costa leh midfielder N'Golo Kante te an chhawr thei dawn lo. Arsenal chu kum 2002 khan match 14 chhung a zawnin an chak a, kum 2000 khan Manchester United chu a zawnin vawi 12 an chak bawk. Italian manager Conte hote record thar siam thei dinhmunah an ding a, Spain striker Costa leh French midfielder Kante tel loin hmabak a khirh sawt ang.
Chhandamtu Costa
Minute 43-naah Cesar Azpilicueta cross ball ṭha tak chu box chhunga zuang sang ber Costa-a'n a tauh goal a, tlarhnung phui ṭha Chelsea tan Spain striker goal khat hi chak nan a tawk.
Costa hian tun season-ah goal 13 khung tawhin Premier League top scorer a ni mek a, nikum season pum aiin league bikah goal khatin a khung tam tawh zawk. Amaherawhchu Costa hi first half-a Joe Ledley laka a foul avangin yellow card vawi ngana a hmu a, Cherries a hmachhawn thei dawn lo. Spain striker aiah hian pound maktaduai 33 man Michy Batshuayi a luh beisei a ni.
Chelsea manager Antonio Conte chuan, "League thara khelh hi a har a, entirna ṭha tak chu West Ham-a Simone Zaza hlawhtling lo hi a ni. Michy hi ka hrechiang a, player ṭha tak a ni tih pawh ka hria, England-ah erawh harsatna a tawk a ni," tiin Batshuayi chu Costa thlak turin a sawi chiang duh lo.
Tlarhnung phuina Kante
Chelsea tan N'Golo Kante chu player pawimawh a ni a, season liam taa Leicester City champion puitu midfielder hi tackles leh interception ngah lamah a sang panga zingah a tel pha ve ve.
French midfielder hi Chelsea tlarhnung phuina kawngah a pawimawh a, chutihrualin Blues tan goalkeeper Thibaut Courtois, defence laia ding Cesar Azpilicueta, Gary Cahill leh David Luiz te an ṭangkai tel bawk.
Kante hi midfield-ah Nemanja Matic nen an inkawp a, French midfielder hi a awm theih dawn loh takah chuan Cesc Fabregas-a'n Italian manager Conte hmin theihna hun ṭha a nei dawn a tih theih thung ang.
Eng nge an sawi?
Chelsea boss Antonio Conte chuan, "Kan chak tluang hi a lawmawm a, keimah ni loin ka player-te ka lawmpui e. Ni tinin an chevel ka hmu ṭhin a, an inpuahchah dan te, kan inpek dan thlirin tuna result neih hi anmahni vang a ni. Min ṭantute chungah ka lawm a, anni hi kan mual leh khualmuala min nawr kaltu an ni," tiin a player-te chunga a lawm thu a sawi.
Italian manager Conte chuan, "Result ṭha nei mah ila hmasawnna tur kan la ngah a, kan thlen chinah lawm mah ila match 17 chauh tun season-ah kan la khel tih kan hriat a ṭha. Table kan thlir a thiang lo a, kan khingpuite thlirin kan thawhrim zel a ṭul a ni," tiin hmabak an la ngah thu a sawi.
Chelsea - A zawnin vawi 11 an chak tawh
1. October 1, Inrinni
Hull 0 - 2 Chelsea
CHE : Willian 61'; Costa 67'
2. October 15, Inrinni
Chelsea 3 - 0 Leicester
CHE : Costa 7'; Hazard 33'; Moses 80'
3. October 23, Pathianni
Chelsea 4 - 0 Man United
CHE : Pedro 1'; Cahill 21'; Hazard 62'; Kante 70'
4. October 30, Pathianni
Southampton 0 - 2 Chelsea
CHE : Hazard 6'; Costa 55'
5. November 5, Inrinni
Chelsea 5 - 0 Everton
CHE : Hazard 19', 56'; Alonso 20'; Costa 42'; Pedro 65
6. November 20, Pathianni
Middlesbrough 0 - 1 Chelsea
CHE : Costa 41'
7. November 26, Thawhṭanni
Chelsea 2 - 1 Tottenham
CHE : Pedro 45'; Moses 51'
8. December 3, Thawhlehni
Man City 1 - 3 Chelsea
CHE : Costa 60'; Willian 70'; Hazard 90'
9. December 11, Pathianni
Chelsea 1 - 0 West Brom
CHE : Costa 76'
10. December 14, Nilaini
Sunderland 0 - 1 Chelsea
CHE : Fabregas 40'
11. December 17, Inrinni
C Palace 0 - 1 Chelsea
CHE : Costa 43'
Team Dinhmun
# Team Pld W D L GF GA GD Pts
1 Chelsea 17 14 1 2 35 11 24 43
2 Liverpool 16 10 4 2 40 20 20 34
3 Arsenal 16 10 4 2 37 17 20 34
4 Manchester City 16 10 3 3 34 19 15 33
5 Tottenham Hotspur 16 8 6 2 27 11 16 30
6 Manchester United 17 8 6 3 24 17 7 30
7 West Brom 17 6 5 6 23 21 2 23
8 Everton 16 6 5 5 21 20 1 23
9 Southampton 16 5 6 5 14 15 -1 21
10 AFC Bournemouth 16 6 3 7 22 25 -3 21
11 Stoke City 17 5 6 6 19 24 -5 21
12 Watford 17 6 3 8 21 29 -8 21
13 West Ham United 17 5 4 8 19 31 -12 19
14 Middlesbrough 17 4 6 7 16 19 -3 18
15 Leicester City 17 4 5 8 23 29 -6 17
16 Burnley 16 5 2 9 15 26 -11 17
17 Crystal Palace 17 4 3 10 28 32 -4 15
18 Sunderland 17 4 2 11 15 28 -13 14
19 Swansea City 17 3 3 11 20 37 -17 12
20 Hull City 17 3 3 11 14 36 -22 12