Kawng dung tifai

Tlabunga Hindu-te chu nimin zing khan Tlabung Hari Mandir Committee huaihawtin Krismas lo thleng tur pualin, Tlabung bazar dung thianfaiin an hnatlang.

Hnatlangah hian mi 100 chuang an thawk chhuak a, an mandir aṭanga SBI Tlabung Branch hmun inkara kawngpui dunga bawlhblawh leh hnawkte an thianfai a ni. Tlabunga Hari Mandir hi kum 1896-a din niin, Mizorama Hindu temple hmasa ber a ni a, tunah hian Tlabungah Hindu chhungkua 128, mi 438 an awm mek.