Sydney leh Brisbane-ah ATP Cup

Season thar aṭangin ATP Cup khelh a ni dawn a, inelna thar hi Australia rama khawpui pahnih Sydney leh Brisbane-ah khelh a nih tur thu a chiang a, khawpui dang Perth pawh league round lam an khelhna tur zingah sawi lan a ni bawk.

Tennis season khat chhunga Grand Slam hmasa ber chu Australian Open a ni a, inelna liana inlan tura inbuatsaih nan hian Sydney leh Brisbane te hian tun season thleng chuan a hranpain tournament an nei ṭhin.

Season thara inelna an buatsaih tur ATP Cup-ah hian champion chuan ranking point 750 ngawt an hmu thei dawn a, Grand Slam leh Masters ho tih lohah chuan point hmuh ṭhat theihna tur hmun a ni ang.

Mipa tennis team hmanga inelna tur ATP Cup-ah hian player 100 chuang an tel thei dawn, International Tennis President president David Haggerty chuan, "Thil chhinchhiah tlak leh ngaihven hlawh tak a nih ngei kan beisei," a ti a, nakin zelah Davis Cup thlak theihna tur a nih mai theih thu leh, hmeichhe tan pawh inelna thar buatsaih a nih a beisei thu a sawi bawk.