Pahnihna Canada tan South Africa

FIFA World Cup 2026-ah Canada-in group match hnuhnung berah Switzerland 2-1 in an hneh lo a, pahnihnaah awmin an ramah inelna an hmachhawn chhunzawm thei dawn tawh lo. Chutihrualin Canada tan erawh, "Ka dil loh zawk malsawmna," tih ang mai a ni a, second round-ah South Africa an hmachhawn dawn avangin last 16 kawng a inhawng zau hle.

Vancouver-a inkhelah Switzerland-in Breel Embolo hmangin chance ṭha bik an nei nghal a, an hmang ṭangkai lo. Canada lamin chance nei tam mah se goal hmaah an hriam tawk lo. Second half-ah Switzerland an che ṭha a, minute 46-na lekah Ruben Vargas-a'n goal hmahruai a khung.

Vargas goal hi Johan Manzambi siamsak a ni a, SC Freiburg forward Manzambi hian minute 57-naah ama pualin a khung. Canada goalkeeper Maxime Crépeau a che ṭha tawk lo.

Inelna thlengtu hian Promise David-a'n minute 76-naah a khung a, goal dang erawh an khung belh thei tawh lo. Switzerland 2-1 in an chak. Murat Yakin hote hian Canada an hnehna hmun Vancouver-ah tho hian pathumna team zinga mi an hmachhawn ang.