Bosnia and Herzegovina an inbang liam

FIFA World Cup khel turin Bosnia and Herzegovina-in Wales leh Italy te an pet tla a, inelna takah pawh Edin Dzeko te ram hi an tlo phian - pathumna nichungin second round an lut.

Seattle-a inkhelah Bosnia and Herzegovina-in chak chuan knockout stage an lut dawn tih hre chungin an inlan a, Qatar pawhin goal difference nei chhe mah se second round lut turin chak a tawk.

Inkhel nung ṭha takah team ṭha zawk Bosnia and Herzegovina-in goal an khung hmasa a, Kerim Alajbegovic-a'n minute 29-naah box pawn aṭangin goal ropui a khung. Minute 34-naah captain Dzeko ball petin defender Sultan Al-Brake a per hnuah goal-ah a lut. Qatar keeper Mahmud Abunada 'own goal' anga dah a ni thung.

Dzeko-a'n goal thumna khung theihna hun ṭha a bawhpelh a, goal ban a pet per. Qatar lam tan Hassan Al-Haydos-a'n minute 42-naah khungin inkhel a nung thar hle. Qatar lamin goal ban an pet per bakah na takin an nawr chhunzawm.

Mahse, minute 80-naah Ermim Mahmic-a'n chak nemnghehna goal a khung a, Bosnia and Herzegovina 3-1 in an chak. Sergej Barbarez hote hi pathumna nichunga knockout stage lut hmasa ber an ni.