Leipzig coach thar Demichelis

Bundesliga club RB Leipzig chuan Argentina international hlui Martin Demichelis chu an coach thar ni turin an la lut a, kum hnih chhung atan contract a ziak.

Kum 45 mi coach hian February 2026 khan Real Mallorca a zawm ve chauh a, mahse, German club hian Bundesliga lama hun hmang turin an thlem chhuak.

Manchester City, Atletico Madrid leh Bayern Munich tan pawha lo khel tawh Demichelis hian kar hmasa lawka chhuak ta Ole Werner a thlak dawn a, club pali a enkawlna tur a ni.

River Plate aṭanga player a nih anga hming chher Demichelis hian Bayern reserve team aṭanga a coaching career zawh ṭanin, Argentine club ṭha River Plate, Mexican club Monterrey leh Mallorca a lo enkawl tawh bawk.

Kum 2023 khan River Plate hi Argentine Primera División-ah a champion pui a, Leipzig sporting director Marcel Schaefer chuan, "Player leh manager angin, Europe, South America leh North America-ah sulhnu a hnutchhiah tawh.

"Chutiang taka tawnhriat nei ṭha lakluh hi kan inhmeh a ni," a ti a, Demichelis chuanin club hmachhawpte chuan a hneh thu leh, chumi avanga RB Leipzig zawm a nih thu a sawi ve bawk.