HPC Cup-ah Bazar Veng an champion

HPC Cup 2026-ah Edmund Lalrindika telna Bazar Vengin Zobawk South 1-0 a hnehin an champion. Goal awmchhun hi minute 59-naah Joseph Lalvenhima'n a khung.

Final boruak a sang a, Ṭhuamluaia Mualah khat tlatlin mipui an pungkhawm. Rinlawk ang ngeiin inkhel a hmuhnawm a, Zobawk chak zo lo mah se Isak Ralte, Sawma Tlangte leh K. Hriata telna team-te an khel ṭha hle.

A tawpah erawh tun inelnaa team ṭha bera ngaih an champion. Coach Lalramhluna Ralte kaihhruai Bazar Veng hian Edmund-a an nei a ni ringawt lo a, player ṭha dang an kawl hnem. Final-a goal khungtu Joseph bakah Zomuansanga, Rohmingthanga, Laldanmawia, Brandon VL Remdika leh Ricky Lallawmawma te an awm a, khelmualah an chet ṭhat bawk avangin champion phu ber an ni.