Tlangnuam FC-in final an lut

AIFF Futsal Club Championship 2025-26-ah Mizoram aiawha tel Tlangnuam FC chuan nimin khan semifinal-ah Goal Hunterz 10-4 in an sawp a, final an lut.

Tlangnuam hian champion ngei tumin inelna hmun Bhavnagar, Gujarat a pan a, TFC hian Mizo player ṭha rual la khawmin a enkawl turin India mipa senior team coach hlui Joshuah Vaz an lalut. India hmeichhe team enkawl mektu Vaz hian Mizo player a hrechiang a, state pawn player a la belh bawk.

Tlangnuam khingpui Goal Hunterz hi champion lai ni mah se Mizo tlangval lakah dawl zawrin an zawr. Futsal-a India international David Laltlansanga'n goal li a khung a, Lalremtluanga leh Jayesh Sutar ten goal hnih ve ve khungin PC Lalremruata leh K. Roluahpuia ten goal khat ve ve an khung bawk.

Tun ṭum inlena hi a vawi ngana a ni a, Mizo club-in a vawi khat nan final an lut. Tlangnuam FC hian final-ah Progressive SA leh South Castle United FA inkhela chak zawk an hmachhawn ang. Final hi June 28, Pathianni zan dar 6:00-ah khelh a ni ang.