FIFA World Cup 2026 - Fixtures & Results

FIFA World Cup-ah tunkar tawp hian group stage khelh zawh a ni dawn a, nimin zing thleng khan team 19 an tling tawh. Group hmahruaitu nichunga tling tawhte chu Mexico, Switzerland, Brazil, United States, Germany, Netherlands leh Argentina te an ni a, pahnihna nichungin South Africa, Canada, Morocco, Australia, Ivory Coast leh Japan te an tling tawh bawk.

Group-a pathumnaa awm Bosnia and Herzegovina, Ecuador leh Sweden te an tling tawh a; France, Norway leh Colombia te pawh an tling tawh a, an dinhmun tur a la hriat lo thung. Tling tawh zinga Cristiano Ronaldo telna Portugal an la tel lo.

Tun ṭum inelnaah hian team 48 an tel a, group 12-ah ṭhen niin a sang pahnih ṭheuhin knockout stage an lut nghal. Group tina pathumna zinga ti ṭha pariatin second round an lut leh bawk. Kumin inlenaah hian goal difference aiin head to head dah pawimawh zawk a ni.

Sweden, Ecuador leh Bosnia and Herzegovina ten point li an hmu a, pathumna zingah anmahni pha thei lo tur team pali an awm tlin avangin secodn round an lut tawh. Paraguay pawhin point li an hmu a, second round an luh ngei rinawm mah se chhiarkawp danin an la him lo.

Nimin zing thleng khan pathumna zingah point thum hmu pali Croatia, South Korea, Algeria leh Scotland te an awm. He thu i chhiar meuh chuan Scotland beiseina a tawp tawh dawn a, South Korea tan pawh second round lut tur chuan vanneihnain a bawm a ṭul ang.