Chak zawk awm lo Paraguay & Australia

World Cup group stage-a an match tawp berah Paraguay leh Australia an intawng a, team pahnih hi goal khung loin an inhnehtawk - round of 32 an lut ve ve a, team pahnih inkhel a hmuhnawm loh hle!

Paraguay-in hrem vangin an thiampuipa Miguel Almiron an chhawr thei lo a, a tel loin an huaisen tawk lo - tlarhnungah player panga an inrem a, draw-in chance an nei tho tih an hriat miau avangin nawr an tum lo.

Australia tan Jackson Irvine chuan chance nei mah se, keeper Orlando Gill a paltlang thei lo a, Gill hian Cristian Volpato-a chance neih a dansak bawk a, chance dang sawi tur a awm meuh lo!

Paraguay-in second half-ah an formation thlakin, tlarhnungah player pali an dah a, an ziaawm sawt - Mauricio chance neih chu Patrick Beach-a'n a dansak a, Julio Enciso pawh hlauhawm ṭhin mah se, a hmawr a bawk thei lo.

Hun tawp thlengin team pahnihin goal khung an harsat a, 0-0 in an ṭin - Australia hi group D-a pahnihna ni chungin an tlang a, Paraguay dinhmun tihchian la ni lo mah se, pathumna tiṭha pariat zinga telin, knockout stage an luh ngei a rinawm.

Hetihlai hian Paraguay tan chanchin lawmawm lo a thleng a, midfielder Diego Gomez chuan group stage-a a yellow card pahnihna hmuin, knockout stage-ah a inlan thei dawn lo a, Sunderland defender Omar Alderete chu hliam vangin lakchhuah a ni bawk.