French footballer Kies a thi

Ligue 2 club Guingamp tana khel mek Kenzo Kies chu tui an chenna aṭanga lakchhuah a nih hnuah damdawi in panpui ni mah se, chhan theih a ni tawh lo a, ni hnih hnuah a thi.

Tun kar chhoah khan France-ah khua a lum avangin Kum 21 mi Kies hi a ṭhiante nen Rhône lui, Lyon bulah tui cheng turin an kal a, hetah hian chesualin a ṭhiante chu him taka chhan ni mah se damdawi in panpui ngaiin a awm a, a nunna chhan tumin theihtawp chhuah mah se a thluak hnathawh a tawp tawh avangin ni hnih hnuah a thi.

Kies hi Lyon leh Saint-Etienne youth team tan a khel tawh a, nikum khan Guingamp hi a zawm ve chauh. Guingamp chuan X (Twitter)-ah, "Guingamp chuan kan player naupang tak Kenzo Kies-a thih thu kan hriatin a pawi kan ti a, club chuan he chhiat tawhna an hmachhawn avang hian Kies-a chhungte chu theihtawp chhuaha puih kan inpeih," tiin an sawi.

Kar hmasa aṭang khan France-ah khaw lum hi a zual a, khaw lum zawng hi 40C a tling pha hial. June 18, Ningani aṭang khan luia inchiah dai tuma chesual ta, mi 40 chuang an awm tawh niin prime minister Sebastien Lecornu chuan a sawi.