Inkhel hmuhnawm tur Netherlands leh Morocco

World Cup round of 32 a inkhel ngaihven hlawh zinga mi Netherlands leh Morocco te chu naktuk zing dar 6:30 hian Monterrey Stadium, Mexico-ah inhmachhawn dawn. Champion sawi ri ngam ve ve an nih avangin khawvelin inkhel hi an ngaihven ang.

Ronald Koeman-a naute hi an match hmasa berah chak tura rinkai zawk ni chungin Japan an inhnehtawkpui a, mah se an match dawt lehah Sweden leh Tunisia an hneh lehnghal. Oranje hi an chak satliah lo a, goal khung an uar hle.

Tun hma angin Netherlands-in striker langsar an nei tawh lo a, mahse Brian Brobbey, Cody Gakpo leh Crysencio Summerville te an rintlak a, ram tana goal khung hnem ber Memphis Depay a la awm bawk avangin tlarhma lamah lungngaihna tur a awm lo. Tlarhnung lam an ṭhat bawk avangin champion sawi ri ngam an ni.

Morocco hian Netherlands anga sulhnu nei /ha ni lo mah se African Cup of Nations champion an nih bakah, World Cup hnuhnung bera semifinal thleng thei an nih avangin dah hniam theih an ni lo.

Knockout a nih tawh avangin keeper Yassine Bounou a pawimawh dawn a, defender Achraf Hakimi leh Noussair Mazraoui bakah midfielder duhawm Ayyoub Bouaddi leh forward ṭha Brahim Díaz te an pawimawh ang.