July 21 aṭangin Under 16 Football

Aizawl DFA leh Aizawl DSC ṭangkawp chuan kum 16 hnuai lam football hmanga inelna Vikshit Bharat Aizawl District Sports Festival 2026 an buatsaih dawn. Inelnaah hian Aizawl District huam chhunga veng, khua, club, school leh games and sports association te tan a tel theih ang.

Entry fee hi Rs 1000 a ni a, GPay hmangin 81198 41619-ah July 11, 2026 thleng pek theih a, inelna hi July 21, Thawhlehniah ṭan tur a ni. Inelna hmachhawn turte hi January 1, 2010 leh a hnulama piang chin an ni tur a ni a; kum endik nan digital birth certificate leh aadhaar card hman a ni ang a, address hi ration card hmanga endik tur a ni.

Team khatah player 20 aia tam lo, pasarih aia tlem lo inziahluh tur a ni a, team tinah official pathum inziah luh tel tur a ni. Player leh official te hi team khat tan chauh an inziak lut thei a, coach pakhatin team hnih emaw a aia tam emaw a enkawl thei dawn lo.