Rice inlan thei tawh dawn

England midfielder Declan Rice chuan round of 32-a DR Congo an hmachhawn hunah inkhel bul a ṭan thei tawh dawn a, chuti a nih chuan midfield-ah Elliot Anderson nen an inkawp dawn tihna a ni.

Three Lions hian group stage-a an match hnuhnung berah Panama chu 2-0 in an hneh a, he inkhelah hian hliam vangin Rice a inlan thei lo. Ghana laka inhliam player hian training a nei leh thei tawh a, DR Congo a hmachhawn ngei a beiseiawm.

Rice awm loh hlanin Thomas Tuchel-a'n midfield-ah Anderson leh Jude Bellingham a inkawptir a, tlarhnung a pawp phah - Rice a lo kir chuan he buaina hi chinfel a ni nghal thei dawn tihna a ni a, thawk huaina tham a ni.

Hetihlai hian Chelsea captain Reece James erawh a dam hman a beiseiawm lo a, James awm loh vanga Panama laka bul ṭan Jarell Quansah a inhliam ve leh avangin right back-a khel turah England an buai.

Panama lakah Djed Spence-a'n Quansah a thlak a, Tuchel-a'n Quansah dam hman a rin loh thu a sawi avangin Spence hian bul a ṭan nawn a rinawm - Ezri Konsa pawh right back-ah a khel thei tho tih erawh hriat a ṭha.

Three Lions hian July 1, Nilaini zanah World Cup round of 32 hi an khel dawn a, DR Congo nen round of 16 luh an inchuh dawn - Congo hi Portugal chelh theitu an nih avangin England tan chetsual theihna tur an ni.