A inhliam danah Williams a lawm lo

Spain forward Nico Williams chuan Uruguay nen an inkhelh ṭuma Uruguay midfielder, Nicolas de la Cruz-a chet dan chu 'ṭul lo' tiin a a sawisel a, Williams hian last 32 a khelh theih dawn loh avangin a lungawi lo hle.

Group stage match hnuhnung bera an inkhelh ṭum khan hun pek belhah, De la Cruz-a'n ṭul lo taka a tackle avangin Williams hi a inhliam a, De la Cruz hi yellow card pek a ni a, hemi hnu lawk hian Uruguayan forward Agustin Canobbio pawh Pau Cubarsi-a chunga a chet dan hlauhawm tak avangin hnawhchhuah a ni bawk.

Kum 23-a upa Williams hi hliam vangin tun season-ah a buai a, Athletic Bilbao tan pawh a inlan tam tawk lo. Kumin World Cup-ah pawh La Roja tan group stage match thum an khelhah bench aṭang vekin a lut.

Williams chuan "Vawiin hi ka dam chhunga ka ni hman hrehawm berte zinga pakhat a ni. Kuminah hliam vanga ka buaina a reh thei meuh lo. Nimin khan hliam ka tuar a, keimahni ang bawka professional footballer ngaihtuah thui loh lutuk vang a ni," tiin instagram-ah a sawi.

Spain Football Federation chuan Williams-a hliam hi a nat thu sawiin, inelna chhunzawm zel turah erawh rawn let leh theih an beisei thu an tarlang bawk.