Ireland lakah India an mualpho

T20 World Cup champion lai India-in T20 series match hnih khel turin Ireland an tlawh a, cricket ram tenau Ireland hian Men in Blue hi an white wash.

India hian match hmasa zawkah kar liam ta Zirtawpni khan run 34-in Ireland hi an hneh lo a, mualneitu target 183 siamsak chhanlet nan run 148 chauh an siam.

Pathianni khan match hnina an khel a, Ireland hian over 20-ah run 154 an siam a, India tan target harsa niin a lang lo. Mahse, India opener Sanju Samson leh Abhishek Sharma te an duck out a, over 20-ah run 153 siamin run khatin an chak lo. India tan match hniha Ireland hneh lo ve ve hi mualphona a ni.