FIFA World Cup 2026

FIFA World Cup group stage khelh zawh a ni ta a, Pathianni zan aṭangin second round khelh ṭan a ni. Match hmasa berah inelna thlengtu zinga mi Canada chuan South Africa 1-0 in an hneh a, second round hi July 4, Inrinni zingah khelh zawh a ni ang.

Second round lut team 32 zingah Europe an tam ber a, ram 13 an thawh. Chung ramte chu Austria, Belgium, Croatia, England, France, Germany, Netherlands, Norway, Portugal, Spain, Sweden, Switzerland leh Bosnia and Herzegovina te an ni.

Asia aṭangin ram pahnih Australia leh Japan te chiahin second round an lut. Africa aṭangin ram pakua Algeria, Cape Verde, DR Congo, Egypt, Ghana, Ivory Coast, Morocco, Senegal leh South Africa ten knockout stage an lut thung.

South America-in team nga an thawh a, champion lai Argentina bakah Brazil, Colombia, Ecuador leh Paraguay te an tel. North America aṭangin inelna thlengtu pathum Canada, Mexico leh United States ten second round an lut ve bawk.