Ter Stegen-a'n Ajax zawm dawn?

Barcelona goalkeeper Marc-Andre ter Stegen chuan Ajax-a kal turin thutlukna a siam fel tawh a, 2026-27 season chhunga loan-a zawm turin an inhnaih tawh hle niin journalist rintlak Fabrizio Romano-a'n a sawi.

Ajax hi Girona coach hlui Michel-a'n a enkawl tawh dawn a, Amsterdam-ah hian Girona-a a lo kaihhruai tawh ter Stegen hi hruai luh a duh. Ter Stegen ber hian Ajax zawm hi hreh lo mah se inbiakna a la kal reng avangin thu chiang a la awm lo thung.

Hetihlai hian hlawh chungchangah harsatna a awm a, Ter Stegen hian kum khatah euro maktaduai 15 bawr vel a hlawh a, Ajax hian loan-a an la a nih pawhin a hlawh hi pek vek an huam lo a, 10% leh 15% inkar chauh pek an inhuam.

Heti chunga Barca-in Ter Stegen an chhuah a nih chuan pawisa tam tak an chawi tel a ngai ngei dawn a, German keeper hi Ajax-ah loan-a a chhuak a nih chuan, Barca hian euro maktaduai 10 chuang chu an chawi tho a ngai dawn.

Catalan club chuan kum 34 mi Ter Stegen-a hlawh san vang te, a kum tam tawh vang leh a man a tlawm loh zet avang hian nipui transfer-ah duhtu an tlem dawn niin an hria a, hemi avang hian Ajax duh dan hi an pawm mai loh chu duh thlan tur dang an neih loh hmel hle.