Djokovic a chak nghal

Wimbledon a hmachhawn vawi 21-naah kum 39-a mi Novak Djokovic chu a chak nghal a, a title pariatna hlawhchhuak turin Chinese player Wu Yibing lakah 6-4, 5-7, 6-4, 6-4 in hnehna a chang.

Djokovic hi set hmasa berah khel ṭha hle mah se Wu a rawn insiamṭha ve nghal vat a, awlsam taka tlawm mai a tum bik lo. Mahse Wu-a'n a nawr nasat chu tuarin set linaah a hnufual zawkah a ṭang a, a serve out hnuah Djokovic chu chak zawkin, Wimbledon-a round khatnaa tlawm a la neih loh chu a humhim tluang zel

He inkhel hi an tir lamah court chung khuhna hawn a ni a, mahse Wu-a'n set a lak hnuah khar a ni leh thung. Djokovic chuan, "A chung khuhna hawn leh khar a nih hian, inkhel hrang pahnih khel ang hian a hriat ṭhin. Khatiang dinhmun inthlakah khan insiamrem vat a ngai a, mahse thil awlsam a ni lo," a ti.

Serbian player chuan sawi chhunzawmin ,"Set lina 4-4 a nih lai khan break point-ah khan a overhead shot a hloh hlauh kha ka vannei hle a ni. Vawiin chu ka tan fiahna hautak a tling takzet. Wu kha a khelh dan avangin mipui kutbenga chawimawina nasa tak pek a phu a ni. Game a ṭan em avangin round hmasa ber khel kan ni pawhin a hriat loh hial," a ti bawk