Ugarte hliam vangin United an buai

Manchester United chu an midfielder Manuel Ugarte-a'n a khupah hliam na tak a tuar tih fiah a nih hnuah, buaina an nei chhunzawm ve nghal a, Red Devils hian Ugarte hi hralh chhuah an lo rilruk tawh a, mahse a inhliam avangin an buai mek.

Group match hnuhnung bera Spain nen an inhmachhawn ṭumin Ugarte hian hliam a tuar a, zawn chhuah a ngai hial. A hliam hi endik leh tur a nih avangin a chawlh chen tur a la hriat loh a, a chawl rei dawn tih a chiang thung.

Kum 25 mi Ugarte hliam hi a nat avangin la duhtu an awm a rinawm loh a, an awm a nih pawhin a man an chhiar to theih dawn loh avangin United hotute rilru a buai.

Kuminah Casemiro a chhuak dawn tih a chian hnuah United hian midfield tihchakna tur player thar lak luh an tum nghal a, Champions League an khelh tawh dawn bawk avangin midfielder pakhat aia tam lak an rilruk nghe nghe.

Atalanta aṭangin Ederson chu inremna an neihpui tawh a, Brazilian midfielder hi Michael Carrick-a hnuaia an lak luh hmasak ber a ni. Ani bakah hian Aurelien Tchouameni, Alex Scott, Carlos Baleba, Adam Wharton, Sander Berge, leh Felix Nmecha te nen sawi zawm an ni bawk.

Hetihlai hian United hian an Marcus Rashford chu inbiakna an nehpui leh tawh nia sawi a awm a, Carrick-a'n Rashford hi a ruahmannaah a telh a, a hnuaia training nei leh turin a duh niin Fabrizio Romano chuan a sawi bawk.